ဘီလူးချောင်းပြောသောနေ့တစ်နေ့ အခန်း(၁)
ဘီလူးချောင်း
ဘီလူးချောင်းသည် မိုးဗြဲမြို့ထဲရှိသောချောင်းတစ်ချောင်းဖြစ်သည်၊ ထိုချောင်းသည် လွိုင်ကော်မြို့ ထဲသို့ စီးဆင်းသွားလေသည်။ ထိုမှတစ်ဆင့်ရေအားလျှပ်စစ်ထုတ်ရာလောပိတသို့ဦးတည်စီးဆင်းသော ချောင်းဖြစ်ပါသည်။ ထိုချောင်းသည်သဘာဝချောင်းပီသစွာပင် ကောက်ကွေ့ကာစီးဆင်းသွားလေသည်။ ကောက်ကွေ့နေသောချောင်း၏ ဘေးမှာရှိသည့်စိုက်ခင်းများသည်လည်း တစ်ဆယ့်နှစ်ရာသီလုံးလုံး လိုအပ် သလောက်ရေတွေရနေသောကြောင့် စိုက်ခင်းများကအမြဲစိမ်းစိုလျက်ရှိပါသည်။ ထိုဘီလူးချောင်းသည် စိုက်ပျိုးရေးလုပ်သားတွေအတွက် မိခင်ဖြစ်သလို ချောင်းဘေးရှိသောရွာတွေကိုလည်း လိုအပ်သည့်ရေကို ပေးနေသောကြောင့်ကျေးရွာများ၏မိခင်ပင်ဖြစ်ပါသည်။ ထိုဘီလူးချောင်းသည်ဖယ်ခုံကနေစီးဆင်းလာသော ရေဖြစ်သည်၊ ဖယ်ခုံအင်းကရေ ဖြစ်သည်။ ဖယ်ခုံအင်းသည်စကားအင်းကနေစီးဆင်းလာသောရေဖြစ်သည်။ စကားအင်းသည် အင်းလေးကန်ကနေစီးဆင်းလာသောရေဖြစ်သည်။
ထိုအင်းလေးကန်ကရေသည် တောင် ကြီး၊ ရပ်စောက်၊ ရွာငံ၊ ပင်းတယစသည့်အရပ်အသီးသီးကစီးဆင်းလာသောရေတို့၏ ပေါင်းစပ်ထားသောရေ ပင်ဖြစ်သည်။ အင်းလေးကန်ကနေမှစီးဆင်းလာသောထိုချောင်းရေထဲသို့ ပင်လောင်း၊ ဖယ်ခုံ စသည့်အရပ်ကစီးလာသောရေများလည်း ထပ်ဆင့်ပေါင်းစပ်ထားပါသည်။ ထိုဘီလူးချောင်းရေသည် ရှမ်းပြည်နယ်တောင်ပိုင်းဒေသအသီးသီးရှိသောရေစက်ရေပေါက် များတို့ စုပေါင်းထားသည့် ပြယှဂ်တစ်ခုဟုလည်းဆိုနိုင်ပါသည်။
ထိုရေသည်ရေချိုဖြစ်၍ လိုအပ်သလိုသုံးလို့ရ သည်။
မွေတော်ကျောင်း၊ ညောင်ဝိုင်းကျောင်းတို့ဆိုလျှင် ထိုဘီလူးချောင်းဘေးကဖြစ်၍ ထိုကျောင်းတို့၌ နေသောစာသင်သားကိုရင်လေးတွေဆိုရင် ဘီလူးချောင်းမှာရေချိုးရင်းရေကူးသည့်အတတ်ပညာကို ဘယ် သူသင်လို့သင်မှန်းမသိ အလိုလိုတတ်ခဲ့ကြပါသည်။ အမြဲတမ်းတိတ်ဆိတ်မှုကိုတန်ဖိုးထားသော ရဟန်းသံ ဃာများအဝန်းအဝိုင်းထဲတွင် ဆော့တတ်ကစားတတ်သည့်အရွယ်ဖြစ်နေသောကိုရင်လေးတွေအတွက် အနည်းငယ်ကျဉ်းမြောင်းသလိုခံစားမှုများသည် ဘီလူးချောင်းထဲခုန်ချပြီးရေချိုးသောအခါ ကျဉ်းကျပ်နေ သောစိတ်ခံစားမှုကို ဆေးကျောပေးပြီးသားဖြစ်သွားလေသည်။ ကိုရင်ရှင်သူရိယဆိုရင် စိတ်ညစ်သည့်အခါ ကျောင်းရဲ့အရှေ့ဘက်က အရိပ်ရစက္ကူပန်းပင်အောက်ထိုင်ခုံပေါ်ထိုင်ပြီး အရှေ့ဘီလူးချောင်းကိုပဲလှမ်းကြည့်လိုက်သည်။ ဘီလူးချောင်းကိုမြင်တာနဲ့ စိတ်ခံစားမှုကတစ်မျိုးပြောင်းသွားလေသည်။ ဘီလူးချောင်းကိုကြည့်လျှင် တရစပ်ပြေးဆင်းနေသောရေစီး ကြောင်းများကိုမြင်နေရသည်။
ထိုရေစီးကြောင်းထဲတွင် ငါးပုဇွန်မျိုးစုံလည်း ပျော်မြူးနေကြသည်ကို မြင်ယောင်ပါသည်။ ငါးတို့ပုဇွန်တို့ပျော်မြူးသလိုပဲ လူတွေလည်းရေထဲမှာရေကူး ကစားနည်းမျိုးစုံဖြင့်ပျော်မြူးကြသည်ကိုလည်း မြင်ယောင်မိပါတော့သည်။ ထိုပျော်မြူးမှုပုံရိပ်များသည် မြင်ယောင်သူ၏ရင်ထဲကိုလည်းကူးစက်လာပါတော့သည်။ ထိုသို့သောခံစားမှုမျိုးကိုရလာသောအခါ စော စောကညစ်နေသည့်စိတ်များသည် ရေစီးကြောင်းနဲ့ အတူစီးဆင်းပြီးမျှောသွားလေသည်။ ကြည်လင်သော စိတ်ဖြစ်စဉ်များကျန်ရစ်ခဲ့သောသည်။ ဘီးလူးချောင်းထဲက ရေစီးကြောင်းသည် စိတ်ကြည်လင်ဖို့အတွက် ကြည့်စရာမှန်တစ်ချပ်ဖြစ်လာခဲ့လေသည်။
ထိုအချိန်တွင်မိုးဗြဲမြို့မှာစက္ကူပန်းပန်သိပ်ပေါများသောအချိန်ဖြစ်သည်။ အခြားနေရာမှာတော့ ဘယ်လိုခေါ်လည်းမသိပါ၊ မိုးဗြဲမှာတော့ စက္ကူပန်းပင်ဟုခေါ်ပါသည်။ အနံကမရှိ၊ ပန်း၏အရောင်က အနီရောင်လည်းရှိပါသည်။ အဖြူရောင်လည်းရှိပါသည်။ စက္ကူပန်းပင်ပေါက်ပုံကထူးဆန်းသည်။ အလယ်မှာအပင်ခပ်ကြီးကြီးတစ်ပင်ပေါက်သည်။ ထိုအပင်ပေါ်မှာပင် အပင်၏အမြစ်နားကစ၍ နွယ်ပင်လိုအကိုင်းလေးတွေဖြာထွက်သည် ထိုနွယ်ပင်အကိုင်းပေါ်မှာပင်အရွက်များ၊ အပွင့်များက သူထက်ပိုထွက်လာနိုင်ဖို့ အလုအယပ်ထွက်လာကြပါသည်။ ထိုအပင်ကခြောက်ပေ၊ ခုနှစ်ပေလောက်ရှိသဖြင့် အပင်၏ပတ်ပတ်လည်မှာသစ်သားပြားများနဲ့ဝိုင်းရံထားပြီး အပင်၏အောက်ခြေပတ်လည်မှာ ထိုင်ခုံတွေပြုလုပ်ကြပါသည်။ မွေတော်ကျောင်းမှာလုပ်သလိုပင် အဲဒီအချိန်တုန်းကဆိုရင် မိုးဗြဲမြို့မှာ စက္ကူပန်းပင်တွေက တစ်မြို့လုံးလိုလိုနေရာတိုင်းမှာမြင်တွေ့ရပါသည်။
တစ်ချို့စားသောက်ဆိုင်တွေမှာလည်း ဆိုင်ရှေ့စက္ကူပန်းပင်အောင်မှာ ခုံတွေဝိုင်းရံချပြီး စားပွဲခင်းထားကြပါသည်။ အဲဒီအချိန်တုန်းကဆိုရင်မိုးဗြဲမြို့သည် စက္ကူပန်းပင်ရိပ်မှာခိုလှုံသည့်မြို့တစ်မြို့လို့ပြောလို့ရလောက်အောင် စက္ကူပန်းပင်တွေများခဲ့ပါသည်။ ရှင်သူရိယသည် ထိုစက္ကူပန်းပင်အောင်ထိုင်ခုံပေါ်မှာထိုင်ပြီး ဘီလူးချောင်းကိုလှမ်းကြည့်နေသည်။
“ရှင်သူရိယ ဘာကြည့်နေတာလဲ”
“ဘီလူးချောင်းကိုပေါ့”
“ရေကသိုဏ်းရှုနေတာလား”
“ရှုမလို့ဘဲ ကသိုဏ်းကအနုပညာမဆန်လွန်းလို့ မရှုဖြစ်ဘူး”
“အောင်းမာ အနုပညာဆန်သတဲ့လား” လို့ပြောပြီး ရှင်ဝိမလက သူ့ကိုကြည့်ပြီး အားရပါးရရီလိုက် ချင်သည်။ သူတို့အချင်းချင်းတွေ့လိုက်ရင် သူတို့အထာနဲ့သူတို့ကရှိပြီးသား။ စာလေးမတောက်တခေါက်ဖတ်ပြီး စာအုပ် ထဲကစကားကိုသုံးတတ်သည်။ ကိုယ်နဲ့လိုက်ဖက်သည် မလိုက်ဖက်သည် မသိ၊ ပြောချင်တာတွေပြောတတ် ကြသည်။ အကြောင်းမသိတဲ့သူတွေဆိုရင် စကားကြီးစကားကျယ်ပြောတယ်ဆိုပြီး အမြင်ကပ်ခံရတာ တာခဏခဏပဲ။ ဘီလူးချောင်းထဲကရေလှိုင်းတွေကို ကြည့်ပြီးဘီလူးချောင်းအကြောင်းကိုပြောကြလေသည်။
ထိုဘီလူးချောင်းဘေးတွင်စိုက်ပျိုးရေးလုပ်ကြသည်၊ ဘုရားပွဲလုပ်ကြသည်၊ အပန်းဖြေကြသည်။ ထိုရေကိုသောက်သုံးကြပြီးနှစ်သက်ကျေနပ်မှုပုံစံအမျိုးမျိုးဖြင့်ချီးမွမ်းပြောဆိုကြသည်။ ထိုရေကိုသုံးစွဲကြ၍ သီနှံအထွက်ကောင်းပုံအမျိုးမျိုးတို့ဖြင့် ဂုဏ်ယူဝင့်ကြွားစွာပြောကြသည်။ လူတွေပြောဆိုချီးမွမ်းကြသော် လည်း လူတွေရဲ့အသံကိုလျစ်လျူရှုကာ ဘီလူးချောင်းသည်မကြားသလိုပင်တည်ငြိမ်စွာ ဆက်လက်စီးဆင်း နေသည်။ ချီးမွမ်းသံများရှိသလိုကြောက်လန့်သံများလည်းရှိပါသည်။ တစ်ချိန်တုန်းကဘီလူးချောင်းမှာ အမျိုး သမီးတစ်ယောက် အဝတ်လျှော်ရင်း မဆင်မခြင်အဝတ်သိမ်းရာကနေရေစီးကြောင်းနဲ့အတူအဝတ်တစ်ထည် မျှောပါသွား၍ အဝတ်လျှော်သည့်အမျိုးသမီးက မျှောပါသွားသည့်အဝတ်ကိုလိုက်ဆယ်ရင်း ရေနစ်သွား၍ သေသွားလေသည်။ ထိုကိုအစွဲပြု၍ ဘီလူးချောင်းသည်လူကိုစားသည်ဟုလည်းဆိုကြသည်။ တစ်ခါတုန်းက ဆိုရင်အမျိုးသမီး တစ်ယောက်ဘီလူးချောင်းမှာကလေးကိုရေချိုးပေးပါသည်။ ကလေးကတစ်နှစ်သာသာ လောက်ပဲရှိဦးမည်။ ကလေးကိုရေချိုးပေးပြီး အမျိုးသမီးကခေါင်းလျှော်လေသည်။ ခေါင်းလျှော်နေတုန်း ကလေးကရေထဲဆင်းကာ ရေကစားလေသည်။ အမျိုးသမီးကလည်း ဘာမှမဖြစ်လောက်ဘူးထင်ပြီး ဘာမှ မပြောဘဲ ခေါင်းဘဲဆက်လျှော်နေပါသည်။ ခေါင်းလျှော်ပြီးကလေးကိုသတိရလို့ကြည့်လိုက်သောအခါ ကလေးကရေထဲမျှောသွားပြီဖြစ်သည်။ အဲဒါကိုလည်း ဘီလူးချောင်းက ကလေးကိုစားသည်ဟုသမုတ်ကြ ပြန်ပါသည်။ ထိုထင်မြင်ချက်များကိုလည်း လျစ်လျူရှုကာ ဘီလူးချောင်းသည်မသိသလိုပုံမှန်အတိုင်း စီး ဆင်းနေပါသည်။ တစ်ခါတစ်ရံဘီးလူးချောင်းသည် ခံစားချက်ကင်းမဲ့သည့်စမ်းချောင်းတစ်ချောင်းအသွင် သရုပ်ဆောင်ပြသွားပါသည်။
ထိုဘီလူးချောင်းသည်နေသာသောနေ့တွေဆိုရင် အရောင်အလျှပ်လျှပ်နဲ့လှုပ်ခါကာ ထိုးဆင်းလာ သော နေရောင်ခြဉ်နဲ့အတူကခုန်ပျော်မြူးလေသည်။ အေးသောဆောင်းရာသီမှာဆိုရင် ကျလာသောနှင်း တွေကိုခံယူထားသလို ရေခိုးရေငွေ့တွေကိုလည်း ပြန်လည်ထုတ်ပေးလေသည်။ မိုးရွာသောမိုးသီတွေမှာ လည်း မိုးရေများ၏ စီးဆင်းရာလမ်းကြောင်းအားလုံးကိုလည်းကြိုဆိုလျက်ရှိပါသည်။ ထိုကဲ့သို့အချိန်တိုင်းမှာ အသင့်ရှိနေခြင်းကြောင့်ပင် ဘီလူးချောင်းသည် အမြဲစီးဆင်းနေနိုင်ခဲ့လေသည်။ အမြဲရှင်သန်လျက်ရှိပါ သည်။ ထိုအမြဲရှင်သန်နေသော ဘီလူးချောင်းသည် စကားပြောလာသောနေ့တစ်နေ့ ရောက်လာခဲ့လေပြီ။
ဆက်ရန်
အရှင်နန္ဒိယ(ဖယ်ခုံ)
ဘီလူးေခ်ာင္းေျပာေသာေန႔တစ္ေ
ဘီလူူးေခ်ာင္း
ဘီလူးေခ်ာင္းသည္ မိိုးၿဗဲၿမိဳ႕ထဲရွိေသာေခ်ာင
ထိုအင္းေလးကန္ကေရသည္ ေတာင္ ႀကီး၊ ရပ္ေစာက္၊ ရြာငံ၊ ပင္းတယစသည့္အရပ္အသီးသီးကစီး
ထိုေရသည္ေရခ်ိဳျဖစ္၍ လိုအပ္သလိုသုံးလို႔ရ သည္။
ေမြေတာ္ေက်ာင္း၊ ေညာင္ဝိုင္းေက်ာင္းတို႔ဆိုလ
ထိုေရစီးေၾကာင္းထဲတြင္ ငါးပုဇြန္မ်ိဳးစုံလည္း ေပ်ာ္ျမဴးေနၾကသည္ကို ျမင္ေယာင္ပါသည္။ ငါးတို႔ပုဇြန္တို႔ေပ်ာ္ျမဴး
ထိုအခ်ိန္တြင္မိုးၿဗဲၿမိဳ႕မ
တစ္ခ်ိဳ႕စားေသာက္ဆိုင္ေတြမွ
“ရွင္သူရိယ ဘာၾကည့္ေနတာလဲ”
“ဘီလူးေခ်ာင္းကိုေပါ့”
“ေရကသိုဏ္း႐ႈေနတာလား”
“႐ႈမလို႔ဘဲ ကသိုဏ္းကအႏုပညာမဆန္လြန္းလို
“ေအာင္းမာ အႏုပညာဆန္သတဲ့လား” လုိ႔ေျပာၿပီး ရွင္ဝိမလက သူ႕ကိုၾကည့္ၿပီး အားရပါးရရီလိုက္ ခ်င္သည္။ သူတို႔အခ်င္းခ်င္းေတြ႔လိုက္
ထိုဘီလူးေခ်ာင္းေဘးတြင္စိုက
ထိုဘီလူးေခ်ာင္းသည္ေနသာေသာေ
ဘီလူူးေခ်ာင္း
ဘီလူးေခ်ာင္းသည္ မိိုးၿဗဲၿမိဳ႕ထဲရွိေသာေခ်ာင
ထိုအင္းေလးကန္ကေရသည္ ေတာင္ ႀကီး၊ ရပ္ေစာက္၊ ရြာငံ၊ ပင္းတယစသည့္အရပ္အသီးသီးကစီး
ထိုေရသည္ေရခ်ိဳျဖစ္၍ လိုအပ္သလိုသုံးလို႔ရ သည္။
ေမြေတာ္ေက်ာင္း၊ ေညာင္ဝိုင္းေက်ာင္းတို႔ဆိုလ
ထိုေရစီးေၾကာင္းထဲတြင္ ငါးပုဇြန္မ်ိဳးစုံလည္း ေပ်ာ္ျမဴးေနၾကသည္ကို ျမင္ေယာင္ပါသည္။ ငါးတို႔ပုဇြန္တို႔ေပ်ာ္ျမဴး
ထိုအခ်ိန္တြင္မိုးၿဗဲၿမိဳ႕မ
တစ္ခ်ိဳ႕စားေသာက္ဆိုင္ေတြမွ
“ရွင္သူရိယ ဘာၾကည့္ေနတာလဲ”
“ဘီလူးေခ်ာင္းကိုေပါ့”
“ေရကသိုဏ္း႐ႈေနတာလား”
“႐ႈမလို႔ဘဲ ကသိုဏ္းကအႏုပညာမဆန္လြန္းလို
“ေအာင္းမာ အႏုပညာဆန္သတဲ့လား” လုိ႔ေျပာၿပီး ရွင္ဝိမလက သူ႕ကိုၾကည့္ၿပီး အားရပါးရရီလိုက္ ခ်င္သည္။ သူတို႔အခ်င္းခ်င္းေတြ႔လိုက္
ထိုဘီလူးေခ်ာင္းေဘးတြင္စိုက
ထိုဘီလူးေခ်ာင္းသည္ေနသာေသာေ
ဆက္ရန္
အရွင္နႏၵိယ(ဖယ္ခုံ)
No comments:
Post a Comment