Kamma therapy နဲ့ ပတ်သက်၍

Kamma therapy နဲ့ ပတ်သက်၍

ကေလနိယတက္ကသိုလ်မှာ Buddhist study MA ကျောင်းသားတွေအတွက် Buddhist psychotherapy ဘာသာရပ်မှာ Kamma therapy topic ဟာ ဒီနှစ်မှစတင် ပို့ချတဲ့ ခေါင်းစဉ်အသစ်တစ်ခုဘဲဖြစ်ပါတယ်။ Kamma therapy ပတ်သက်ပြီးပြောစရာစကားတစ်ခုအနေနဲ့ ဖြစ်လာခြင်းအကြောင်းရင်းကတော့ တစ်ချို့ကျောင်းသားတွေက ရေးထားတဲ့ topic ကို ဖတ်လို့သာပြီးသွားတာ ဘာကို ဆိုလိုတာလဲ နားမလည်ဘူး၊ မသိဘူးလို့ ပွင့်ပွင့်လင်းလင်း ပြောကြလို့ ပြောရခြင်းဘဲ ဖြစ်ပါတယ်။ 

Kamma therapy အကြောင်းကို ပြောရင် အားလုံးသိကြတဲ့အတိုင်း စူဠကမ္မဝိဘင်္ဂသုတ်နဲ့ မဟာကမ္မဝိဘင်္ဂသုတ်ကို အခြေခံထားပါတယ်။ ကျန်တဲ့ လောဏပါဏ၊ မဓုပိဏ္ဍိက စတဲ့သုတ်တွေကိုလည်း ဆက်စပ်ပြီးကိုးကားကြပါတယ်။ စူဠကမ္မဝိဘင်္ဂသုတ်ကတော့ ကံနဲ့ကံရဲ့အကျိုးဆက်တူညီတာကို ပြတဲ့သုတ်ဖြစ်ပြီးတော့ မဟာကမ္မဝိဘင်္ဂသုတ်ကတော့ ကံနဲ့အကျိုးတို့ အမျိုးမျိုးကွဲပြားပုံကို ပြတဲ့သုတ်ဖြစ်ပါတယ်။  ဒါကို psychotherapy ရှုထောင့်နဲ့ဆည်းကပ်ပြီး လေ့လာရတာ ဖြစ်ပါတယ်။

ဗုဒ္ဓဘာသာတွေလက်ခံယုံကြည်ထားတဲ့ ကံ-ကံရဲ့အကျိုးတွေကို psychotherapy perspective နဲ့ သုံးသပ်လိုက်တဲ့အခါမှာ လူနာတွေရဲ့ မတူတဲ့ကံတရားနဲ့ အကျိုးဆက်တွေကို နားလည်ရပါတယ်။ ဘာလို့ Kamma therapy ဆိုတဲ့ခေါင်းစဉ်နဲ့ပြောရတာလည်းဆိုရင် တစ်ချို့လူနာတွေက ထင်ထားသလို မျှော်လင့်ထားသလို ဖြစ်မလာလို့ စိတ်ဖိစီးနေတာမျိုး၊ သားသမီးသေလို့ ပစ္စည်းဥစ္စာပျက်စီးသွားလို့ ပူဆွေးနေတာမျိုး စတဲ့ လူနာတွေကို ကုစားနေတာမျိုးမဟုတ်ဘဲ ကံနဲ့ဆက်စပ်နေတဲ့ စိတ်ရောဂါ၊ ပစ္စုပ္ပန်ကံသာမက အတိတ်ကံကိုပါ ဆက်စပ်နေတဲ့စိတ်ရောဂါမျိုးတွေ ဖြစ်နေတဲ့လူနာမျိုးတွေကို ကုစားတာဖြစ်ပါတယ်။ အဲဒါကြောင့်မို့ ပစ္စုပ္ပန်ကံနဲ့ပတ်သတ်ပြီး သာမညဖလသုတ်တို့၊ အင်္ဂုလိမာလသုတ်တို့ကို ကိုးကားပြီးလည်း ပြောကြတာပေါ့။

Kamma therapy နဲ့ပတ်သက်ပြီး ဘယ်လိုနားလည်သလဲဆိုတာကိုဘဲ ပြောမှာဖြစ်ပါတယ်။ စာမေးပွဲဘယ်လိုဖြေရမလဲဆိုတာကိုတော့ မပြောပါ။ စာမေးပွဲမှာ ကိုယ်ကအမှတ်ပေးတဲ့သူ မဟုတ်သည့်အတွက် အမှတ်ရအောင် ဘယ်လိုနည်းနဲ့မှ အာမမခံပါ။ Kamma therapy ဟာ ကံကိုအခြေခံတဲ့ကုထုံးဖြစ်ပါတယ်။ သူကံနဲ့သူလာတာဘဲ၊ ကောင်းတာမကောင်းတာ သူ့ကံနဲ့ဘဲဆိုင်တာ ကိုယ်နဲ့ဘာဆိုင်လို့လဲ လို့ အခြေခံအားဖြင့် မေးခွန်းမေးသင့်တာပေါ့။ ဒါမှ ဘယ်လိုကုတယ်ဆိုတာကို သိရမှာပေါ့။ မေးခွန်းမမေးဘဲ အဖြေကြီးဘဲ ရှာနေရင် ဆိုလိုရင်းမရောက်တဲ့ အဖြေတွေ ရနေမှာ စိုးလို့ပါ။

ကံကိုအခြေခံထားတဲ့ကုထုံးက အခြားကုထုံးတွေထက်ပိုနက်နဲပါတယ်။ လူနာက Self-awareness ရှိလာရုံ၊ လတ်တလော သောကကိုဖြေဖျောက်ရုံနဲ့ ပြီးသွားတဲ့ကုထုံးမျိုးမဟုတ်ပါဘူး။ ကံနဲ့ကံရဲ့အကျိုးကို ထဲထဲဝင်ဝင်နားလည်ရသလို ပြန်လည်ထူတောင်ရေးလုပ်ငန်းကို လုပ်ဆောင်ရတဲ့ထိ ကုသရတဲ့ ကုထုံးမျိုးဖြစ်ပါတယ်။ Rehabilitation ကိုလည်း မဖြစ်မနေ ထည့်သွင်းစဉ်းစားရပါမယ်။ အရက်သမားတစ်ယောက်သေတော့ သောတာပန်ဖြစ်သွားပြီး နတ်ပြည်ရောက်သွားတာ၊ မလ္လိကာမိဖုရား တစ်သက်လုံးကုသိုလ်ကောင်းမှုပြုခဲ့ပေမယ့် သေတော့ ငရဲကိုရောက်သွားတာ စတဲ့ပြောင်းပြန်ဆန်လွန်းတဲ့ ကံနဲ့ကံရဲ့အကျိုးဝတ္ထုတွေကိုလည်း သုတ္တန်မှာ အထင်အရှားဖတ်ဖူးကြမှာပါ။ ဒီလိုကံတရားရဲ့ သီအိုရီတွေကိုလည်း နားလည်ရပါမယ်။ ကံကြီးထိုက်နေတဲ့ အဇာတသတ်မင်းကို မြတ်စွာဘုရား ဘယ်လိုတရားဟောလိုက်တာလဲ။ သာသနာတော်ကြီးသမိုင်းမှာ မှတ်တမ်းတင်ရလောက်တဲ့ ဒါယကာတစ်ဦး ဖြစ်လာခဲ့တယ်။ လူသတ်သမားကြီး အင်္ဂုလိမာလကို မြတ်စွာဘုရား ဘယ်လို ချေချွတ်တော်မူခဲ့တာလဲ။ သူတစ်ပါးကိုညှင်းပန်းနှိပ်စက်ခဲ့တဲ့ကံကြောင့် အဝေးကခဲလုံးတွေ တုတ်တွေ သူ့ကိုမပစ်ပေမယ့် သူ့ကိုလာထိတယ်။ ခန္ဓာကိုယ်မှာ သွေးမိုးရွာခဲ့ရတယ်။ ကံတရားကိုလွန်ဆန်လို့ မရပေမယ့် မြတ်စွာဘုရား ဘယ်လိုဖြေသိမ့်ပေးခဲ့သလဲ၊ ဘယ်လိုသြဝါဒတွေပေးခဲ့သလဲ၊ နောက်ဆုံးရဟန္တာ ဖြစ်သွားတဲ့အထိ ဘယ်လိုကုစားပေးလိုက်သလဲ။ ကံကိုအခြေခံတဲ့ စိတ်ရောဂါတွေကို ဘယ်လိုကုစား ခဲ့သလဲ။

လောကကြီးမှာ သူတို့ရဲ့ကံတရားကြောင့်ခံစားနေရပြီး ဘယ်သူမှပြောင်းလဲလို့မရတဲ့ ရောဂါတွေရှိတယ်၊ ခံစားနေရတဲ့ လူနာတွေရှိတယ်။ အဲဒါကို ဘယ်လိုကုစားကြမလဲ။ ဆေးထိုးသတ်လိုက်တာ ကုစားနည်းမဟုတ်ပါဘူး။ ဒီနေရာမှာ ဥပေက္ခာပြုလိုက်တာလည်း ကုစားနည်းမဟုတ်ပါဘူး။ Kamma therapy က အရေးကြီးတဲ့ အခန်းကဏ္ဍမှာ ဖြစ်နေပြီ။

Kamma therapy လို့ပြောလိုက်ရင် တစ်ချို့က ကံနဲ့ကံရဲ့အကျိုးအကြောင်းကို ပြောလိုက်ရင်ရပြီလို့ ပြောကြတယ်၊ အဲဒါက Therapy မဟုတ်ပါဘူး Kamma theory ဘဲရှိပါသေးတယ်။ Psychotherapy အကြောင်းကိုပြောမယ်ဆိုရင် Therapy ဆိုတဲ့စာလုံးကို မမေ့ဖို့လိုတယ်။ ကုထုံးဖြစ်ပါတယ်။ ကုထုံးကဘာလဲဆိုတာကို ဖော်ထုတ်ရပါမယ်။

အစမထင်သံသရာကနေ ကျင်လည်လာခဲ့တဲ့ သတ္တဝါတွေအားလုံး ကောင်းတဲ့ကံရော၊ ဆိုးတဲ့ကံရော ပြုလုပ်ခဲ့ကြဖူးတယ်။ ပုထုဇဉ်တွေမို့ ဘယ်သူမှအမြဲမကောင်းနိုင်ဘူး။ ဘယ်သူမှ အမြဲမဆိုးနိုင်ဘူး။ ကောင်းတဲ့ကံရဲ့အကျိုးဆက်ကြောင့် ကောင်းတဲ့အကျိုးဆက်တွေခံစားရသလို၊ မကောင်းတဲ့ကံရဲ့အကျိုးဆက်ကြောင့် မကောင်းကျိုးကို ခံစားနေရကြတာပါ။ အဲဒါကို မကောင်းတဲ့ကံကို ကောင်းတဲ့ကံနဲ့အစားထိုးရတယ်။ ကောင်းကျိုးတွေကို ဖြစ်ထွန်းစေဖို့ ကောင်းတဲ့ကံကို ပြုလုပ်ပြီး မကောင်းတဲ့အကျိုးဆက်ကို ကာဆီးထားလို့ရတယ်။ ကောင်းကျိုးနဲ့အစားထိုးလို့ရတယ်။ ဒါက ဗုဒ္ဓဘာသာရဲ့ တရားတော်ပါဘဲ။ psychotherapy perspective နဲ့ဆည်းကပ်လျှင် ဒါက Kamma therapy ဘဲ။

လာမည့်ခုနှစ်ရက်မှာဘီလူးစားလို့ သေရတော့မယ့်ကလေးကို အသက်ရှည်တဲ့လူတစ်ယောက်ဖြစ်လာ အောင် မြတ်စွာဘုရားဘယ်လိုညွန်ကြားလိုက်တာလဲ၊ ကောင်းတဲ့ကံတွေကို ဘယ်လိုအစားထိုးပေး လိုက်တာလဲ။ အသက်တိုမယ်လို့ ပညာရှိအမတ်တွေ၊ ပုဏ္ဏားတွေ ဟောကိန်းထုတ်တဲ့မင်းကို အသက်တွေရှည်အောင် ရဟန်းတွေက ဘယ်လိုကံတရားတွေနဲ့ အစားထိုးဖို့ ညွန်ကြားခဲ့ကြတာလဲ။ ကံတရားနဲ့အခြေခံထားတဲ့ လူနာတွေကို ကုစားပေးဖို့အတွက် ပိဋကတ်တော်တွေမှာလည်း case study တွေ အများကြီးရှိပါတယ်။

Kamma therapy မှာ နားလည်ထားရမယ့် အခြေခံအကြောင်းတရားတွေရှိပါတယ်။

• သဘာဝတရား (ပင်ကိုယ် ပြဿနာ)

• တရားမမျှတမှု (အကျိုး နဲ့ အကြောင်း ဆီလျှော်မှု မရှိခြင်း)

• တန်းတူညီမျှခြင်း ( ဆီလျှော်မှုရှိခြင်း)

သဘာဝပြဿနာကို ရှာဖွေပြီး နားလည်အောင်လုပ်ရပါမယ်။ အဲဒါတွေကိုလည်း လက်ခံရမယ်။ တရားမမျှတတဲ့ အကြောင်းအရာတွေကို စိစစ်ရပါမယ်။ (ဥပမာ- မိဘတွေက ကြွေးယူထားလို့ သားသမီးတွေ သို့မဟုတ် သားစဉ်မြေးဆက် အကြွေးဆပ်နေရတာမျိုး။ ယူတာတစ်ဦး၊ အကျိုးခံစားရတာတစ်ဦး၊ ပြန်ပေးဆပ်ရတာ တစ်ဦး။) Kamma therapy မှာ ဒီလိုမမျှတမှုတွေကိုလည်းသိထားဖိုိ့တယ်။ တစ်ချို့လူနာတွေက ခံရတဲ့သူဘက်ကသက်သက် ဖြစ်နေတဲ့ အခြေအနေတွေကြောင့် စိတ်ရောဂါဖြစ်နေတာတွေရှိတယ်။ ဆီလျှော်မျှတမှုကိုလည်း သိထားရတယ်။ ဆီလျှော်မျှတအောင် စွမ်းဆောင်ပေးရမယ်။ Kamma therapy မှာ ပစ္စုပ္ပန်ကံတစ်ခုကို ကြည့်ရုံနဲ့မလုံလောက်ဘူး။ သူ့ရဲ့အတိတ်ကံတွေကိုပါ နားလည်ပေးရတယ်။

လူနာကို ကုစားတဲ့နေရာမှာ ကောင်းတဲ့ကံတွေနဲ့ အစားထိုးပေးရတယ်။ အစားထိုးလုပ်ဆောင်ရမှာကတော့-

• အပြုအမူ၊ အမူအကျင့်ဆိုင်ရာမှာလည်း လုပ်ဆောင်ပေးရတယ်။ Bhavitakaya (action)

• ကိုယ်ကျင့်တရားဆိုင်ရာမှာလည်း လမ်းညွန်ပေးရတယ်။ Bhavitasila (morality)

• စိတ်ပိုင်းဆိုင်ရာမှာလည်း ပျိုးထောင်ပေးရတယ်။ Bhavitacitta (mind) and

• အသိအမြင်၊ အတွေးအခေါ်ပိုင်းဆိုင်ရာမှာလည်း လေ့ကျင့်သင်ကြားပေးရတယ်။ Bhavitapanna (knowledge).

Kamma therapy ရဲ့ကုထုံးပိုင်းဆိုင်ရာတွေက နက်နဲနေပေမယ့် လူတိုင်းနဲ့သင့်လျှော်ပါတယ်။ လူနာပေါ်မူတည်ပြီး အလုပ်လုပ်ရတာမို့ ဘယ်လိုလုပ်ရမယ်ဆိုတာမျိုးကိုတော့ ပြောရခက်ပါတယ်။ လေ့လာလေ ကုစားပုံအသစ်အမျိုးမျိုးတွေ့ရှိလေ၊ ဆည်းကပ်ပုံ အသစ်အဆန်းတွေသိရလေလေ ဖြစ်ပါလိမ့်မယ်။ စာဖတ်တဲ့သူတွေလည်း စိတ်ဝင်စားကြလိမ့်မယ်လို့လည်း ယုံကြည်တယ်။ Kamma therapist လုပ်ကြမယ်မလား။

😄😄😄😄

စကားကျောရှည်သွားပြီ။ ပညာရှင်မဟုတ်၊ ကျောင်းသားတစ်ဦးသာ ဖြစ်ကြောင်း ဝန်ခံချင်ပါတယ်။ အမှားပါလျှင် ပြုပြင်ပေးကြပါလို့ တောင်းခံချင်ပါတယ်။

အရှင်နန္ဒိယ (ဖယ်ခုံ)

6.10.2018 9:7:00 PM

Nandiya Bhikkhu

Kamma therapy နဲ႔ ပတ္သက္၍

ေကလနိယတကၠသိုလ္မွာ Buddhist study MA ေက်ာင္းသားေတြအတြက္ Buddhist psychotherapy ဘာသာရပ္မွာ Kamma therapy topic ဟာ ဒီႏွစ္မွစတင္ ပို႔ခ်တဲ့ ေခါင္းစဥ္အသစ္တစ္ခုဘဲျဖစ္ပါတယ္။ Kamma therapy ပတ္သက္ၿပီးေျပာစရာစကားတစ္ခုအေနနဲ႔ ျဖစ္လာျခင္းအေၾကာင္းရင္းကေတာ့ တစ္ခ်ိဳ႕ေက်ာင္းသားေတြက ေရးထားတဲ့ topic ကို ဖတ္လို႔သာၿပီးသြားတာ ဘာကို ဆိုလိုတာလဲ နားမလည္ဘူး၊ မသိဘူးလို႔ ပြင့္ပြင့္လင္းလင္း ေျပာၾကလို႔ ေျပာရျခင္းဘဲ ျဖစ္ပါတယ္။ 

Kamma therapy အေၾကာင္းကို ေျပာရင္ အားလုံးသိၾကတဲ့အတုိင္း စူဠကမၼဝိဘဂၤသုတ္နဲ႔ မဟာကမၼဝိဘဂၤသုတ္ကို အေျခခံထားပါတယ္။ က်န္တဲ့ ေလာဏပါဏ၊ မဓုပိ႑ိက စတဲ့သုတ္ေတြကိုလည္း ဆက္စပ္ၿပီးကိုးကားၾကပါတယ္။ စူဠကမၼဝိဘဂၤသုတ္ကေတာ့ ကံနဲ႔ကံရဲ႕အက်ိဳးဆက္တူညီတာကို ျပတဲ့သုတ္ျဖစ္ၿပီးေတာ့ မဟာကမၼဝိဘဂၤသုတ္ကေတာ့ ကံနဲ႔အက်ိဳးတို႔ အမ်ိဳးမ်ိဳးကြဲျပားပုံကို ျပတဲ့သုတ္ျဖစ္ပါတယ္။  ဒါကို psychotherapy ရႈေထာင့္နဲ႔ဆည္းကပ္ၿပီး ေလ့လာရတာ ျဖစ္ပါတယ္။

ဗုဒၶဘာသာေတြလက္ခံယုံၾကည္ထားတဲ့ ကံ-ကံရဲ႕အက်ိဳးေတြကို psychotherapy perspective နဲ႔ သုံးသပ္လိိုက္တဲ့အခါမွာ လူနာေတြရဲ႕ မတူတဲ့ကံတရားနဲ႔ အက်ိဳးဆက္ေတြကို နားလည္ရပါတယ္။ ဘာလို႔ Kamma therapy ဆိုတဲ့ေခါင္းစဥ္နဲ႔ေျပာရတာလည္းဆိုရင္ တစ္ခ်ိဳ႕လူနာေတြက ထင္ထားသလို ေမွ်ာ္လင့္ထားသလို ျဖစ္မလာလို႔ စိတ္ဖိစီးေနတာမ်ိဳး၊ သားသမီးေသလို႔ ပစၥည္းဥစၥာပ်က္စီးသြားလို႔ ပူေဆြးေနတာမ်ိဳး စတဲ့ လူနာေတြကို ကုစားေနတာမ်ိဳးမဟုတ္ဘဲ ကံနဲ႔ဆက္စပ္ေနတဲ့ စိတ္ေရာဂါ၊ ပစၥဳပၸန္ကံသာမက အတိတ္ကံကိုပါ ဆက္စပ္ေနတဲ့စိတ္ေရာဂါမ်ိဳးေတြ ျဖစ္ေနတဲ့လူနာမ်ိဳးေတြကို ကုစားတာျဖစ္ပါတယ္။ အဲဒါေၾကာင့္မို႔ ပစၥဳပၸန္ကံနဲ႔ပတ္သတ္ၿပီး သာမညဖလသုတ္တို႔၊ အဂၤုလိမာလသုတ္တို႔ကို ကိုးကားၿပီးလည္း ေျပာၾကတာေပါ့။

Kamma therapy နဲ႔ပတ္သက္ၿပီး ဘယ္လိုနားလည္သလဲဆိုတာကိုဘဲ ေျပာမွာျဖစ္ပါတယ္။ စာေမးပြဲဘယ္လိုေျဖရမလဲဆိုတာကိုေတာ့ မေျပာပါ။ စာေမးပြဲမွာ ကိုယ္ကအမွတ္ေပးတဲ့သူ မဟုတ္သည့္အတြက္ အမွတ္ရေအာင္ ဘယ္လိုနည္းနဲ႔မွ အာမမခံပါ။ Kamma therapy ဟာ ကံကိုအေျခခံတဲ့ကုထုံးျဖစ္ပါတယ္။ သူကံနဲ႔သူလာတာဘဲ၊ ေကာင္းတာမေကာင္းတာ သူ႔ကံနဲ႔ဘဲဆိုင္တာ ကိုယ္နဲ႔ဘာဆိုင္လို႔လဲ လို႔ အေျခခံအားျဖင့္ ေမးခြန္းေမးသင့္တာေပါ့။ ဒါမွ ဘယ္လိုကုတယ္ဆိုတာကို သိရမွာေပါ့။ ေမးခြန္းမေမးဘဲ အေျဖႀကီးဘဲ ရွာေနရင္ ဆိုလိုရင္းမေရာက္တဲ့ အေျဖေတြ ရေနမွာ စိုးလို႔ပါ။
ကံကိုအေျခခံထားတဲ့ကုထုံးက အျခားကုထုံးေတြထက္ပိုနက္နဲပါတယ္။ လူနာက Self-awareness ရွိလာရုံ၊ လတ္တေလာ ေသာကကိုေျဖေဖ်ာက္ရုံနဲ႔ ၿပီးသြားတဲ့ကုထုံးမ်ိဳးမဟုတ္ပါဘူး။ ကံနဲ႔ကံရဲ႕အက်ိဳးကို ထဲထဲဝင္ဝင္နားလည္ရသလို ျပန္လည္ထူေတာင္ေရးလုပ္ငန္းကို လုပ္ေဆာင္ရတဲ့ထိ ကုသရတဲ့ ကုထုံးမ်ိဳးျဖစ္ပါတယ္။ Rehabilitation ကိုလည္း မျဖစ္မေန ထည့္သြင္းစဥ္းစားရပါမယ္။ အရက္သမားတစ္ေယာက္ေသေတာ့ ေသာတာပန္ျဖစ္သြားၿပီး နတ္ျပည္ေရာက္သြားတာ၊ မလိႅကာမိဖုရား တစ္သက္လုံးကုသိုလ္ေကာင္းမႈျပဳခဲ့ေပမယ့္ ေသေတာ့ ငရဲကိုေရာက္သြားတာ စတဲ့ေျပာင္းျပန္ဆန္လြန္းတဲ့ ကံနဲ႔ကံရဲ႕အက်ိဳးဝတၳဳေတြကိုလည္း သုတၱန္မွာ အထင္အရွားဖတ္ဖူးၾကမွာပါ။ ဒီလိုကံတရားရဲ႕ သီအိုရီေတြကိုလည္း နားလည္ရပါမယ္။ ကံႀကီးထိုက္ေနတဲ့ အဇာတသတ္မင္းကို ျမတ္စြာဘုရား ဘယ္လိုတရားေဟာလိုက္တာလဲ။ သာသနာေတာ္ႀကီးသမိုင္းမွာ မွတ္တမ္းတင္ရေလာက္တဲ့ ဒါယကာတစ္ဦး ျဖစ္လာခဲ့တယ္။ လူသတ္သမားႀကီး အဂၤုလိမာလကို ျမတ္စြာဘုရား ဘယ္လို ေခ်ခၽြတ္ေတာ္မူခဲ့တာလဲ။ သူတစ္ပါးကိုညွင္းပန္းႏွိပ္စက္ခဲ့တဲ့ကံေၾကာင့္ အေဝးကခဲလုံးေတြ တုတ္ေတြ သူ႔ကိုမပစ္ေပမယ့္ သူ႔ကိုလာထိတယ္။ ခႏၶာကိုယ္မွာ ေသြးမိုးရြာခဲ့ရတယ္။ ကံတရားကိုလြန္ဆန္လို႔ မရေပမယ့္ ျမတ္စြာဘုရား ဘယ္လိုေျဖသိမ့္ေပးခဲ့သလဲ၊ ဘယ္လိုၾသဝါဒေတြေပးခဲ့သလဲ၊ ေနာက္ဆုံးရဟႏၲာ ျဖစ္သြားတဲ့အထိ ဘယ္လိုကုစားေပးလိုက္သလဲ။ ကံကိုအေျခခံတဲ့ စိတ္ေရာဂါေတြကို ဘယ္လိုကုစား ခဲ့သလဲ။

ေလာကႀကီးမွာ သူတို႔ရဲ႕ကံတရားေၾကာင့္ခံစားေနရၿပီး ဘယ္သူမွေျပာင္းလဲလို႔မရတဲ့ ေရာဂါေတြရွိတယ္၊ ခံစားေနရတဲ့ လူနာေတြရွိတယ္။ အဲဒါကို ဘယ္လိုကုစားၾကမလဲ။ ေဆးထိုးသတ္လိုက္တာ ကုုစားနည္းမဟုတ္ပါဘူး။ ဒီေနရာမွာ ဥေပကၡာျပဳလိုက္တာလည္း ကုစားနည္းမဟုတ္ပါဘူူး။ Kamma therapy က အေရးႀကီးတဲ့ အခန္းက႑မွာ ျဖစ္ေနၿပီ။
Kamma therapy လို႔ေျပာလိုက္ရင္ တစ္ခ်ိဳ႕က ကံနဲ႕ကံရဲ႕အက်ိဳးအေၾကာင္းကို ေျပာလိုက္ရင္ရၿပီလို႔ ေျပာၾကတယ္၊ အဲဒါက Therapy မဟုတ္ပါဘူး Kamma theory ဘဲရွိပါေသးတယ္။ Psychotherapy အေၾကာင္းကိုေျပာမယ္ဆိုရင္ Therapy ဆိုတဲ့စာလုံးကို မေမ့ဖို႔လိုတယ္။ ကုထုံးျဖစ္ပါတယ္။ ကုထုံးကဘာလဲဆိုတာကို ေဖာ္ထုတ္ရပါမယ္။

အစမထင္သံသရာကေန က်င္လည္လာခဲ့တဲ့ သတၱဝါေတြအားလုံး ေကာင္းတဲ့ကံေရာ၊ ဆုိးတဲ့ကံေရာ ျပဳလုပ္ခဲ့ၾကဖူးတယ္။ ပုထုဇဥ္ေတြမို႔ ဘယ္သူမွအၿမဲမေကာင္းႏိုင္ဘူး။ ဘယ္သူမွ အၿမဲမဆိုးႏုိင္ဘူူး။ ေကာင္းတဲ့ကံရဲ႕အက်ိဳးဆက္ေၾကာင့္ ေကာင္းတဲ့အက်ိဳးဆက္ေတြခံစားရသလို၊ မေကာင္းတဲ့ကံရဲ႕အက်ိဳးဆက္ေၾကာင့္ မေကာင္းက်ိဳးကို ခံစားေနရၾကတာပါ။ အဲဒါကို မေကာင္းတဲ့ကံကို ေကာင္းတဲ့ကံနဲ႔အစားထိုးရတယ္။ ေကာင္းက်ိဳးေတြကို ျဖစ္ထြန္းေစဖို႔ ေကာင္းတဲ့ကံကို ျပဳလုပ္ၿပီး မေကာင္းတဲ့အက်ိဳးဆက္ကို ကာဆီးထားလို႔ရတယ္။ ေကာင္းက်ိဳးနဲ႔အစားထိုးလို႔ရတယ္။ ဒါက ဗုဒၶဘာသာရဲ႕ တရားေတာ္ပါဘဲ။ psychotherapy perspective နဲ႔ဆည္းကပ္လွ်င္ ဒါက Kamma therapy ဘဲ။

လာမည့္ခုႏွစ္ရက္မွာဘီလူးစားလို႔ ေသရေတာ့မယ့္ကေလးကို အသက္ရွည္တဲ့လူတစ္ေယာက္ျဖစ္လာ ေအာင္ ျမတ္စြာဘုရားဘယ္လိုညြန္ၾကားလိုက္တာလဲ၊ ေကာင္းတဲ့ကံေတြကို ဘယ္လိုအစားထိုးေပး လိုက္တာလဲ။ အသက္တိုမယ္လို႔ ပညာရွိအမတ္ေတြ၊ ပုဏၰားေတြ ေဟာကိန္းထုတ္တဲ့မင္းကို အသက္ေတြရွည္ေအာင္ ရဟန္းေတြက ဘယ္လိုကံတရားေတြနဲ႔ အစားထိုးဖို႔ ညြန္ၾကားခဲ့ၾကတာလဲ။ ကံတရားနဲ႔အေျခခံထားတဲ့ လူနာေတြကို ကုစားေပးဖို႔အတြက္ ပိဋကတ္ေတာ္ေတြမွာလည္း case study ေတြ အမ်ားႀကီးရွိပါတယ္။

Kamma therapy မွာ နားလည္ထားရမယ့္ အေျခခံအေၾကာင္းတရားေတြရွိပါတယ္။
• သဘာဝတရား (ပင္ကိုယ္ ျပႆနာ)
• တရားမမွ်တမႈ (အက်ိဳး နဲ႔ အေၾကာင္း ဆီေလွ်ာ္မႈ မရွိျခင္း)
• တန္းတူညီမွ်ျခင္း ( ဆီေလွ်ာ္မႈရွိျခင္း)

သဘာဝျပႆနာကို ရွာေဖြၿပီး နားလည္ေအာင္လုပ္ရပါမယ္။ အဲဒါေတြကိုလည္း လက္ခံရမယ္။ တရားမမွ်တတဲ့ အေၾကာင္းအရာေတြကို စိစစ္ရပါမယ္။ (ဥပမာ- မိဘေတြက ေၾကြးယူထားလို႔ သားသမီးေတြ သို႔မဟုတ္ သားစဥ္ေျမးဆက္ အေၾကြးဆပ္ေနရတာမ်ိဳး။ ယူတာတစ္ဦး၊ အက်ိဳးခံစားရတာတစ္ဦး၊ ျပန္ေပးဆပ္ရတာ တစ္ဦး။) Kamma therapy မွာ ဒီလိုမမွ်တမႈေတြကိုလည္းသိထားဖို႔ိတယ္။ တစ္ခ်ိဳ႕လူနာေတြက ခံရတဲ့သူဘက္ကသက္သက္ ျဖစ္ေနတဲ့ အေျခအေနေတြေၾကာင့္ စိတ္ေရာဂါျဖစ္ေနတာေတြရွိတယ္။ ဆီေလွ်ာ္မွ်တမႈကိုလည္း သိထားရတယ္။ ဆီေလွ်ာ္မွ်တေအာင္ စြမ္းေဆာင္ေပးရမယ္။ Kamma therapy မွာ ပစၥဳပၸန္ကံတစ္ခုကို ၾကည့္ရုံနဲ႔မလုံေလာက္ဘူး။ သူ႔ရဲ႕အတိတ္ကံေတြကိုပါ နားလည္ေပးရတယ္။

လူနာကို ကုစားတဲ့ေနရာမွာ ေကာင္းတဲ့ကံေတြနဲ႔ အစားထိုးေပးရတယ္။ အစားထိုးလုပ္ေဆာင္ရမွာကေတာ့-
• အျပဳအမူ၊ အမူအက်င့္ဆိုင္ရာမွာလည္း လုပ္ေဆာင္ေပးရတယ္။ Bhavitakaya (action)
• ကုိယ္က်င့္တရားဆိုင္ရာမွာလည္း လမ္းညြန္ေပးရတယ္။ Bhavitasila (morality)
• စိတ္ပိုင္းဆိုင္ရာမွာလည္း ပ်ိဳးေထာင္ေပးရတယ္။ Bhavitacitta (mind) and
• အသိအျမင္၊ အေတြးအေခၚပိုင္းဆိုင္ရာမွာလည္း ေလ့က်င့္သင္ၾကားေပးရတယ္။ Bhavitapanna (knowledge).

Kamma therapy ရဲ႕ကုထုံးပိုင္းဆိုင္ရာေတြက နက္နဲေနေပမယ့္ လူတိုင္းနဲ႔သင့္ေလွ်ာ္ပါတယ္။ လူနာေပၚမူတည္ၿပီး အလုပ္လုပ္ရတာမို႔ ဘယ္လိုလုပ္ရမယ္ဆိုတာမ်ိဳးကိုေတာ့ ေျပာရခက္ပါတယ္။ ေလ့လာေလ ကုစားပုံအသစ္အမ်ိဳးမ်ိဳးေတြ႔ရွိေလ၊ ဆည္းကပ္ပုံ အသစ္အဆန္းေတြသိရေလေလ ျဖစ္ပါလိမ့္မယ္။ စာဖတ္တဲ့သူေတြလည္း စိတ္ဝင္စားၾကလိမ့္မယ္လို႔လည္း ယုံၾကည္တယ္။ Kamma therapist လုပ္ၾကမယ္မလား။
😄😄😄😄

စကားေက်ာရွည္သြားၿပီ။ ပညာရွင္မဟုတ္၊ ေက်ာင္းသားတစ္ဦးသာ ျဖစ္ေၾကာင္း ဝန္ခံခ်င္ပါတယ္။ အမွားပါလွ်င္ ျပဳျပင္ေပးၾကပါလို႔ ေတာင္းခံခ်င္ပါတယ္။

အရွင္နႏၵိယ (ဖယ္ခုံ)
6.10.2018 9:7:00 PM
Nandiya Bhikkhu